ءىس-شارا قازاقستانداعى وزبەكستان جىلى ارنالعان قازاقستان مەن وزبەكستان جەڭىل جانە توقىما ونەركاسىبىنىڭ كورمەسى اياسىندا ۇيىمداستىرىلدى. دوڭگەلەك ۇستەلگە وزبەكستان يننوۆاتسيالىق دامۋ مينيسترلىگىنىڭ وكىلدەرى, «ۋزتەكستيلپروم» قاۋىمداستىعى, «وڭتۇستىك» اەا, «وڭتۇستىك» يا, «دامۋ» كدق, 50-گە جۋىق جەڭىل ونەركاسىپ, تەكستيل, كيىم مەن تەرى, فارماتسەۆتيكا, جيھاز, سۋۆەنيرلەر, سپورت تاۋارلارى جانە ويىنشىقتار سياقتى سالالار بويىنشا وڭتۇستىك قازاقستاندىق جانە وزبەكستاندىق كاسىپكەرلەر قاتىستى. شارا بارىسىندا وقو مەن وزبەكستاننىڭ بىرلەسكەن كاسىپورىندارىنىڭ يننوۆاتسيالىق دامۋ ماسەلەلەرى بويىنشا وزبەكستان رەسپۋبليكاسىنىڭ يننوۆاتسيالاق دامۋ مينيسترلىگىنىڭ وكىلى نارمەتوۆ ە.ە, «وڭتۇستىك» اەا» قك-ءنىڭ باس ديرەكتورى م.ديلداباەۆ اەا ارتىقشىلىعىن, جىبەك جولى كولىك-لوگيستيكالىق ينستيتۋتىنىڭ وكىلى يسكاليەۆ ە.س ينفراقۇرىلىمدى دامىتۋ تۋرالى, «وڭتۇستىك» يندۋستريالدى ايماعىنىڭ باس ديرەكتورى بەگۋليەۆ ن. يندۋستريالدىق ايماقتىڭ ينۆەستورلار ءۇشىن ارتىقشىلىقتارى, سونداي-اق «وڭتۇستىك» ايو باسقارما توراعاسى بايتورە ق.ق قارجىلاندىرۋ ماسەلەرى, يندۋستريالدى جانە يننوۆاتسيالىق جوبالاردىڭ ارتىقشىلىقتارى, ولاردى قارجىلاندىرۋ قۇرالدارى مەن شارتتارى تۋرالى ايتىپ ءوتتى.
ءىس-شارا قورىتىندىسى بويىنشا وزبەكستان رەسپۋبليكاسى يننوۆاتسيالىق دامۋ مينيسترلىگىنىڭ وكىلدەرى مەن وقو اكىمدىگىنىڭ اتىنان باسقارما كاسىپكەرلىك جانە يندۋستريالدى-يننوۆاتسيالىق دامۋ, وقو "وڭتۇستىك"اەا"جشس قك جانە "وڭتۇستىك" ايماقتىق ينۆەستيتسيالىق ورتالىعى ءوزارا ىنتىماقتاستىق تۋرالى مەموراندۋمعا قول قويدى. مەموراندۋمنىڭ ءمانى سەرىكتەستىك قاتىناس ورناتۋ جانە مەموراندۋمدى ىسكە اسىرۋ بارىسىندا تاراپتاردىڭ ۇزاق مەرزىمدى جانە ءوزارا ناتيجەلى ىنتىماقتاستىعىن دامىتۋ بولىپ سانالادى.
شارا جالعاسىندا وزبەكستان دەلەگاتسياسى جانە ءتۇرلى كومپانيا وكىلدەرى "وڭتۇستىك" ايو كەڭسەسىنە ات باسىن بۇردى. قۋانىش بايتورە قوناقتاردى "وڭتۇستىك" ايو جانە "ىرىس" مقۇ قىزمەتىمەن تانىستىرىپ ءوتتى. دوڭگەلەك ۇستەل باسىندا, دەلەگاتسيا وكىلدەرى بىرنەشە جوبانى تانىستىردى, سونداي-اق بىرلەسكەن جوبالار بويىنشا يكت سالالارىنداعى يدەيالارىن ۇسىنا وتىرىپ, ءبىلىم بەرۋ, روبوت-ويىنشىقتار ءوندىرىسى تۋرالى پىكىرلەر ايتىلدى.
قورىتىندىلاي كەلە, وزبەكستان دەلەگاتتارى مەن قاتىسۋشىلارى ىنتىماقتاستىقتى تەرەڭدەتۋ, بىرلەسكەن جوبالاردى جۇزەگە اسىرۋ جانە العا جىلجىتۋ بويىنشا, سونداي-اق, جاڭا يننوۆاتسيالىق ەكسپورتقا باعدارلانعان تەحنولوگيالار قۇرۋ ارقىلى جاڭا جوبالاردى ىسكە اسىرۋ تۋرالى وي قوزعاي وتىرىپ, حالىقارالىق ىنتىماقتاستىقتى دامىتۋ, يننوۆاتسيالىق, عىلىمي-زەرتتەۋ, ءبىلىم بەرۋ جانە ۇيىمداستىرۋ بويىنشا شەشىم قابىلدادى.
